Plantun de Prouvènço

Pèr coumpara dos planto d'encò nostre

Carex rostrata & Aconitum lycoctonum

Queirello(-roustrado)

Carex rostrata

Cyperaceae

Àutri noum : Moutouso, Sagneto.

Noms en français : Laîche à bec, Laîche à ampoules.

Descripcioun :
Aquesto queirello que trachis en ribo de mueio e de palun de mountagno, a de fueio un pau larjo (2 à 5 mm),verdalo emé un canau. La tijo, qu'èi quàsi lisco, porto 2 à 4 espigo masclo bruno e 2 à 5 espigo femello dreissado emé d'escaumo en lanço. Se recounèis subretout à sis utriculo, à la debuto bèn jauno e lusènto e qu'an un bè fin e bifide (dènt de 0,2 à 0,6 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 6 cm
Flourido : Printèms

Sòu : Si (Ca)
Autour basso e auto : 0 à 2600 m
Aparado : Noun
Mai à jun

Liò : Mueio - Roubino - Laco d'aigo - Palun
Estànci : Mountagnard à Subaupen
Couroulougi : Bourealo
Ref. sc. : Carex rostrata Stokes, 1787

Estranglo-loup

Aconitum lycoctonum

Ranunculaceae

Àutri noum : Tuo-loup, Toro-jauno, Fueio-de-pesou, Touàra, Acounit.

Noms en français : Aconit tue-loup, Coqueluchon jaune.

Descripcioun :
Planto renadivo proun grando qu'a de fueio bèn verdo e telado. Li flour soun d'un jaune palinèu emé un casco que resto estré à la baso (au contro de Aconitum anthora). La subsp. presentado eici, ié dison vulparia.

Usanço :
L'estranglo-loup es uno planto di proun empouisounanto. Caup d'alcalouïdo (l'acounitino) que paraliso lou cors e majamen l'alenamen, ço que douno la mort. A passa tèms se n'en servié pèr tua li loup e li rèinard e peréu, coume lou rapourto Mistral (TdF), contro li pesou (Fueio-de-pesou). Bèn dousado, a pamens d'ùni prouprieta interessanto (vèire çai-souto).

Port : Grando erbo
Taio : 0,5 à 1,2 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Aconitum
Famiho : Ranunculaceae

Ordre : Ranunculales

Coulour de la flour : Jauno
Petalo : irreguliero
Ø (o loungour) flour : 2,5 à 3 cm
Flourido : Estiéu

Sòu : Ca
Autour basso e auto : 1200 à 2300 m
Aparado : Noun
Remarco :
Juliet à avoust

Liò : Bos fres - Prado à rousèu - Ribo d'aigo
Estànci : Mountagnard à Subaupen
Couroulougi : Éurasiatico
Ref. sc. : Aconitum lycoctonum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex rostrata & Aconitum lycoctonum

ges

Coumpara Queirello(-roustrado) emé uno autro planto

Coumpara Estranglo-loup emé uno autro planto